۳- د الله قانوني حاکميت

د دې معنا دا ده لکه څنګه چې الله د ټولو کائناتو بادشاه، پروردګار، خالق او مالک دی همدا راز الله په قانوني توګه هم حاکم دی، بل څوک د الله د قانون په خلاف د قانون جوړونې واک نه لري، هغه چې د انسان د ژوند د تنظيم لپاره کوم قوانين جوړ کړي دي پيروي يې په ټولو انسانانو لازم ده. 

- {ثُمَّ جَعَلْنَاكَ عَلَى شَرِيعَةٍ مِنَ الْأَمْرِ فَاتَّبِعْهَا وَلَا تَتَّبِعْ أَهْوَاءَ الَّذِينَ لَا يَعْلَمُونَ} [الجاثية: 18] 

(ته مو د دين په يوه ځانګړې طريقه قائم کړی یې، د هغې پیروي کوه، د هغو خلکو د خواهشاتو پیروي مه کوه چې نه پوهېږي) 

- {تِلْكَ حُدُودُ اللَّهِ فَلَا تَعْتَدُوهَا وَمَنْ يَتَعَدَّ حُدُودَ اللَّهِ فَأُولَئِكَ هُمُ الظَّالِمُونَ} [البقرة: 229] 

(دا د خدای ټاکلي شوي بریدونه دي تجاوز ترې مه کوئ، څوک چې د الله له حدودو نه تجاوز کوي هغه ظالمان دي.) 

- {وَتِلْكَ حُدُودُ اللَّهِ وَمَنْ يَتَعَدَّ حُدُودَ اللَّهِ فَقَدْ ظَلَمَ نَفْسَهُ } [الطلاق: 1] 

 (دا د خدای له اړخه ټاکلي بریدونه دي څوک چې له دې حدودو تجاوز وکړي یقینا پرځان یې ظلم کړی.) المائدة سورة کې وایې: 

- {وَمَنْ لَمْ يَحْكُمْ بِمَا أَنْزَلَ اللَّهُ فَأُولَئِكَ هُمُ الْكَافِرُونَ} [المائدة: 44]  

(څوک چې د الله په لېږل شوي قانون فیصله نه کوي،ع هغه کافران دي.) 

- {وَمَنْ لَمْ يَحْكُمْ بِمَا أَنْزَلَ اللَّهُ فَأُولَئِكَ هُمُ الْفَاسِقُونَ} [المائدة: 47] 

(څوک چې د الله په نازل شوي قانون فیصله نه کوي هغه فاسقان د ي.) 

- {وَمَنْ لَمْ يَحْكُمْ بِمَا أَنْزَلَ اللَّهُ فَأُولَئِكَ هُمُ الظَّالِمُونَ } [المائدة: 45] 

(څوک چې د الله په قانون فیصله نه کوي هغه ظالمان دي) 

- {أَفَحُكْمَ الْجَاهِلِيَّةِ يَبْغُونَ وَمَنْ أَحْسَنُ مِنَ اللَّهِ حُكْمًا لِقَوْمٍ يُوقِنُونَ } [المائدة: 50] 

(ولې دوی د جاهلیت قانون غواړي؟ د الله نه به د چا قانون ښائسته وي؟ د هغه قوم لپاره چې ایمان پرې لري) 

- {أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُوا بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ يُرِيدُونَ أَنْ يَتَحَاكَمُوا إِلَى الطَّاغُوتِ وَقَدْ أُمِرُوا أَنْ يَكْفُرُوا بِهِ وَيُرِيدُ الشَّيْطَانُ أَنْ يُضِلَّهُمْ ضَلَالًا بَعِيدًا} [النساء: 60] 

(ايمان راوړی دی چې تاته نازل کړی شوی دی او په هغه کتابونو چې ستا نه مخکې نازل کړی شوي ول او بيا غواړي چې خپلې شخړې د پرېکړې لپاره طاغوت ته يوسي، سره له دېنه چې دوی ته له هغه نه د انکار حکم ورکول شوی وو، شیطان غواړي چې دوی په ګمراهي کې ښه لرې بوځي.) 

او داسې نور بېشمېره آیاتونه شته دي چې دا مطلب واضحه کوي چې یوازې د الله د قانون پيروي او اطاعت لازم ده او واجب الاتباع قانون یوازې د الله قانون دی دا خبره هم واضحه شوه چې د کائناتو او انسان خالق، مالک او حاکم یوازې الله تعالی دی.